Ion Zubiaurre elgoibartarra izendatu dute Debabarreneko Mankomunitateko presidente

Ubane Madera Zangitu 2023ko abu. 3a, 08:05
Ion Zubiaurre.

Debabarreneko Mankomunitateak presidente berria du uztailaren azken asteaz geroztik. Izan ere, Mankomunitateak ezohiko batzarra egin zuen presidentea aukeratzeko eta Ion Zubiaurre elgoibartar jeltzaleak eskuratu zituen 12 botoetatik zortzi; gehiengo osoa. Prentsa ohar bidez adierazi duenez, Zubiaurrrek “gogotsu” ekin dio ardura berriari.

Presidente aukeratu-berriak gidatuko du Debabarrena Eskualdeko Mankomunitatea datozen lau urteotan.

Agintaldiko Gobernu Batzordea, berriz, ondorengo kideek osatuko dute:

  • Ion Zubiaurre Ros, lehendakaria (Elgoibar, EAJ)
  • Ana Telleria Echeverria, lehendakari ordea (Eibar, PSE-EE)

Batzordekideak:

  • Iñigo Loyola Garate (Elgoibarko Udala)
  • Antón Garai Berezibar (Debako Udala)
  • Inhar Mutiozabal (Mutrikuko Udala)
  • Unai Larreategi Azurmendi (Soraluzeko Udala)
  • Enetz Ezenarro Arriola (Mendaroko Udala)
  • Igor Aguirre Barrientos (Mallabiako Udala)
  • Ermuako ordezkaria, izendatzeke.