Mela-mela gazte bazkarira

Atzo, astelehena, euria egin eta eguerdirako programatuta zegoen karropoteoa atzeratzea erabaki zuten Galtzagorriek, atertu zain. Baina, parrandarako gogoei eutsi ezin eta segituan ekin zioten poteoari, txosnapean edo Edurtza-Ufala arteko garajeetan babestuz tarteka.

Azkenean, mela-mela eginda ailegatu ziren kuadrilla denak gazte bazkarira; baina, ez euriaren kontura bakarrik: ateri zenetan ere, ur-pistolak atera eta elkar busti eta busti aritu ziren, frontoiko karparantz abiatu ziren arte.

Kuadrilla guztiak argazki-sortan ikusgai, mozorro eta guzti, Galtzagorriek proposatutako tematika playeroari kasu eginda.