Pasa berri den asteburuan jokatu zituzten aurtengo futbito txapelketako finalerdiak, zenbait aldaketarekin.
Ligako finala
Barikuan, 19:00etan Jubiletak eta Salabardoren arteko finalerdia izan zen eta Jubiletak taldeak 8-6 irabazi zuen norgehiagoka. Haren ondoren, Aribiransa taldeak Drink Team taldearen kontra jokatu zuen eta Aribiransak irabazi zuen 7-6.
Beraz, Ligako finala Jubiletak eta Aribiransa taldearen artekoa izango da, astelehenean, uztailaren 24an,19:30ean, Araneko frontoian.
Kopako finala
Kopako finalerdiei dagokienez, berriz, zapatuan jokatu behar ziren, baina ez zen horrela izan. Izan ere, Kopako finalerdietako bat barikuan bertan jokatu zuten, Ligako finalerdien segidan. Eta zapatuko bigarren finalerdira, berriz, ez zen taldeetako bat aurkeztu.
Hori horrela, Kopako finala jokatuko dute Goenetxetxok Kastakuak taldearen kontra, astelehenean, 17:45ean, Araneko frontoian.