Espainiako Gorteetarako hauteskundeak bertan direla-eta, haietara aurkezten diren alderdi politikoei pentsiodunen aldarrikapen nagusiekiko “konpromiso argia eta publikoa" eskatu diete, protestak areagotuz.
Batik bat, honakoak nabarmendu dituzte:
- Gutxieneko pentsioa 1.080 eurotan ezartzeko eta genero-arrakalarekin amaitzeko.
- Urteko konpentsazio-ordainsaria berreskuratzea, pentsioen erosteko ahalmenaren galera berreskuratzeko.
- Alarguntza-pentsioa nabarmen hobetzea, % 100era iritsi arte.
- 40 urte kotizatuta dituzten erretiro aurreratuaren koefiziente murriztaileak indargabetzea.
- 2011 eta 2021eko pentsioen erreformaren murrizketak indargabetzea.
Aldarrikapen horiek plazaratu dituzte pasa berri den asteburuan, bestak beste, Donostian eta Gasteizen.