Gaur, ekainaren 28a, CAF enpresaren aurrean egingo dute protesta Geroako kaltetuek berriro ere. 11:00etan egin dute hitzordua. Joan den asteko protestan moduan, oraingo honetan ere, CAFen aurrean elkartuko dira enpresa horrek Geroa BGAEn duen pisua aintzat hartuta, baina gaineratu dute ez dutela “ezer” enpresaren kontra.
Geroako kaltetuek salatzen dutena da Geroa BGAEk ez diela lagatzen aukeratzen, behin erretiratuta, euren kapitala nola eskuratu; salatzen dute Geroak “tutelatu” egin nahi dituela; “euren diruarengatik eskean ibiltzera behartzen” dituztela eta diote Geroak onartu duela pilatutako kapitala bazkidearena dela.