Soragaztea Rugby Klubetik laguntzeko prestutasun hori nabarmendu nahi izan dute. "Oso garrantzitsua da beste erkidego batzuetako taldeak prest egotea herri txiki bati laguntzeko. Errugbian berdin da Eibar zein Oviedo; eskua altxa eta hor daude, laguntzeko prest. Horrek harrituta nauka: nork pentsatuko luke Oviedora deitu eta berehala prest egongo zirenik gure proiektuari bultzada emateko", dio Enekoitz Igartuak.
Eskerrak denei
Halaber, Soragaztea Rugby Klubeko ordezkari Igartuak eskerrak helarazi nahi dizkie Errugbi Egunaren bueltan laguntasuna eskaini dizkieten komertzio, taberna eta herritar guztiei. Eta noski, guztiak gonbidatu nahi ditu ekaineko Errugbi Egunera.