Aurtengo ikasturtean, 120 umek parte hartu du Eskola Kirolean. Bost begiralek jardun dute haiekin eta denetariko kirolak praktikatu dituzte, eskalada, eskubaloia, saskibaloia, futbola… Anje Eskarza arduradunak esan duenez, "zapatuetako asistentzia oso altua izan da eta derrigorrezkoak ez ziren topaketetan, berriz, normala".
Eskola Kirolaren azken jaia
Bihar, zapatua, 10:00etatik 12:00etara Eskola Kirolaren ikasturte bukaerako jaia egingo dute. LH1ekoek eta LH2koek Altxorraren Bila jardungo dute herrian zehar. LH 3, 4, 5 eta 6. mailako ikasleek, berriz, Soraluzeko kiroldegiko frontoian, 20 herri kirol-jolas egingo dituzte, Urpe enpresaren eskutik. Jaiari amaiera borobila emateko, sari-zozketa egingo dute partaideen artean.