Otsailean, 233 langabe kontabilizatu dituzte Soraluzen, urtarrilean baino 8 gutxiago. Jaitsiera txikia da hori, baina sikiera, jaitsiera eman da langabe kopuruan eta ez da hori gertatu eskualdeko gainerako herrietan, bakarrik Mutrikun.
Iazkoa baino altuagoa
Hori bai, Soraluzeko langabezia-tasak %13tik gertu izaten segitzen du eta eskualdeko altuena da. Gainera, iazko otsaileko datuekin alderatuta, gora egin du langabeziak herrian eta igoera hori izan duen herri bakarra izan da. Debabarreneko gainerako herrietan, iazko otsailean baino langabe gutxiago kontabilizatu dituzte aurtengo otsailean.
Hona hemen aurtengo langabezia datuak herriz herri:
- Deba 167 %6,40
- Eibar 1.488 %11,72
- Elgoibar 481 %8,87
- Mendaro 82 %8,07
- Mutriku 197 %7,59
- Soraluze 233 %12,49
- Debabarrena 2.648 %10,10