Haundixa da ba esamoldea gauza nabarmengarria edo harrigarria adierazteko erabili izan da Plazentziako hizkeran. Adibidez, honela:
- Plazentziako berbetan: "Atzo ordenadoria eta gaur mobila be estropeau jatzula? Haundixá da ba!"
- Euskara batuan: "Atzo ordenadorea eta gaur mugikorra izorratu zaizu? Handia da ba!".
Iturria: Luis Mari Unamunori entzuna etxean.
Iturri osagarriak: Euskara Batuaren Hiztegiak jasotzen du 'handia' izen modura eta esanahi berarekin erabiltzen duten antzeko beste esamolde batzuekin batera, Orotariko Hiztegiak eta antzeko esanahiarekin Labaiyru hiztegiak.