Pilotako lehen partida Soraluzeko eta Oñatiko pilotarien artekoa izan zen. Hiru set jokatu zituen Laida Sanchez alebinak Oñatiko Aloña Mendiko elkarteko pilotariaren kontra eta hiru setetatik bat irabazi egin zuen, 8-6, bigarrena 5-8 galdu egin zuen eta hirugarrena, berriz, 0-4 galdu zuen.
Bigarren partida, berriz, Soraluzeko Pilota Elkarteko Manex Balerdiren eta Azkoitiko taldeko Juaristiren arteko eskuz banakoa izan zen. Kasu horretan, 22-7 irabazi zuen Balerdik. Aitor Atxotegi Soraluze Pilota Elkarteko arduradunak esandakoaren arabera, sakearekin min handia egin zion Balerdik azkoitiarrari eta hortik 22-7ko emaitza.