Iñaki Goenaga soraluzetar azkarrena Karakateko igoeran

Ubane Madera Zangitu 2022ko aza. 21a, 13:59

Arkaitz Arana, Unai Larreategi, Iñaki Goenaga, Julian Fernandez eta Patxi Osa Elgoibarren. Argazkia: Patxi Osa.

Zapatuan, Karakateko 28. igoera jokatu zen. Eguraldi makurrari eta hotzari aurre eginez, 67 lehiakidek parte hartu zuten. Horietatik lau izan ziren soraluzetarrak eta haien artean azkarrena Iñaki Goenaga izan zen. Are gehiago, sailkapen orokorrean, laugarren helmugaratu zen plazentziatarra, irabazlearekiko bi minutu eta segundo eskasera.

Zapatuan, Iban Murua eta Mayi Mujika elgoibartarrak izan ziren 67 lehiakideen artean bizkorrenak Karakateko igoeran. Muruak, 28:01eko denboran osatu zuen ibilbidea eta Mayi Mujikak, berriz, 35:27ko denboran,

Igoeraren 28. edizioan, lau soraluzetarrek parte hartu zuten eta haien artean, Iñaki Goenaga helmugaratu zen lehenengo, sailkapen orokorrean laugarren.

Hona hemen soraluzetarren sailkapena eta denborak:

4. 30:02- Iñaki Goenaga
35. 36:33 Julian Fernandez
39. 37:43 Arkaitz Arana
50. 39:53 Unai Larreategi
51. 40:04 Patxi Osa

HEMEN KLIKATUTA, berriz, Barren.eus atari digitalak Karakateko igoerari egindako jarraipen xehea.

Kirola Soraluze