Liga sailkapenean bigarren doa Erregional mailako Sorako taldea, liderrarekin, Oñatiko Aloña Mendi taldearekin zazpi puntutara berdinduta.
Orain arte jokatutako lau partidetatik bi irabazi egin ditu Sorak, bat galdu eta beste bat berdindu. Sorak moduan, txapelketako beste hiru taldek launa partidu dituzte jokatuta, aldiz, gainerako lau taldeek hiru partida. Hori dela-eta, asteburu honetan atseden izango dute Sorako nagusiek.
Jubenilak
Sorako gainerako taldeei dagokienez, berriz, Jubenil mailakoak zapatuan du hitzordua, 11:30ean, Zestoa taldearen kontra, Ezoziko futbol zelaian. Bolada txarra bizi dute Sorako gazteek, sailkapenean azkenak doaz, Oñatiko eta Idiazabalgo taldeekin berdinduta, puntu bakarrarekin.
Infantilak
Betalde, infantiletako bi taldeek hitzordu bana dute asteburuan, biek ala biek sailkapeneko liderraren kontra. Taldeetako batek domekan, 11:00etan, aurrez aurre izango du Lagun Onak taldea Ezoziko futbol zelaian. Infantiletako bigarren taldeak, berriz, domekan, 12:00etan du hitzordua, Eibarren, Urki taldearen kontra. Liga sailkapenean, laugarren zein bosgarren lekuan daude kokatuta soraluzetarrak.
Kadeteak
Azkenik, kadeteak Aretxabaletara joango dira domekan, bertako UDA taldearen kontrako norgehiagoka baitute, 12:00etan. Sailkapenean, bigarren doa Soraluzeko taldea, baina kadeteek ere partida bat gehiago dute jokatuta maila bereko beste talde batzuekin alderatuta.