Eskuz banaka galdu
Alebin mailako Gipuzkoako txapelketari hasiera emanez, Arluziagak eta Arsuagak bi jokotan neurtu zituzten indarrak: lehenengoan azpeitiarrak irabazi zuen 8-2ko emaitzarekin; eta bigarrenean ere, harmailetatik jasotako animo eta txaloez lagunduta soraluzetarrak ahalegin eta tanto bikainak egin arren, markagailuari buelta eman ezin eta 8-6ko emaitzarekin bukatu zen partida.
Gomazko paletan irabazi
Partidu luze eta lehiatua izan zen honakoa: 25 tantora izanda, eman zitezkeen ia tanto guztiak jokatu zituzten, 49tik 48.
Errenteriakoek (joanekoa 25-15 irabazita) hamabost tantotik pasatzeko helburua lortu bazuten ere, soraluzetarrak gailendu zitzaizkien atzokoan 25 eta 23ko emaitzarekin.