Baso Biziak plataformak, Udalak eta Lurgaia Fundazioak deituta, atzo goizean, hogeitabosten bat herritarrek ibai ertzak garbitzen jardun zuten. Denetariko objetuak atera zituzten bertatik: zigarro mutxikinak, tabako paketeak, bizikleta bat, bide bazterretako seinale handi bat, erropak esekitzeko pintzak, latak, zepiloak, plastikozko poltsak, amiantozko hodiak... Ostean, batutako zabor guztia Plaza Berrira eroan zuten, "herritarrek ikus dezaten zer egiten dihardugun naturarekin". Bideoan Sergio Gallego Lurgaia Fundazioko teknikariaren adierazpenak.
Ibaiak garbitzeko ekimena Arabako, Bizkaiko eta Gipuzkoako beste hamasei udalerritan ere burutu zuten atzo, Euskal Herriko Baso Biziak Plataformak egindako deialdi bateratuari erantzunez: Eibar, Soraluze, Elgoibar, Azkoitia-Azpeitia, Ataun, Amurrio, Atxondo-Elorrio, Arratia bailara, Argantzon, Lemoiz...