Gipuzkoatik, Bizkaitik, Leondik, Soriatik, Salamancatik, Valladolideik, Errioxatik eta Gueñesetik etorriko dira kirolariak asteburuko Frontenis Txapelketarako.
Zapatuan mistoa, domekan emakumeak
Zapatuan, bikote mistoek jokatuko dute; 16 dira guztira, 9 gipuzkoarrak eta bizkaitarrak eta bost kanpotik etorritakoak. 08:30ean hasiko da txapelketa, aurreikuspenen arabera, 21:00ak inguruan sari banaketa egin arte. Hiru sari banatuko dituzte.
Domekan, berriz, emakumezkoen txanda izango da. Bederatzi bikotek parte hartuko dute, sei hemengoak dira eta hiru kanpokoak. 09:00etan hasiko da txapelketa. Kasu honetan, lehenengo bertako emakumezkoek jokatuko dute elkarren kontrako liga eta berau irabazten duen bikotea gainerakoen kontra lehiatuko da ondoren. Kasu honetan ere, hiru sari banatuko dituzte.
Txapelketa ikusgarria izango da asteburuan jokatuko dena, maila altuko jokalariek parte hartzen baitute.