“Aberastasunaren banaketa desorekatua” salatu dute

Gaur, astelehena, pentsio publiko duinen aldeko oporren osteko lehen elkarretaratzea egin dute. Azpimarratu dutenez, “mehatxuz eta zorigaitz mota guztiekin” dator ikasturte berria. Besteak beste, salatu dute “energiaren oligopolioek eta banku handiek mozkin errekorrak dituzten bitartean langileak eta pentsiodunok beren etekinak ordaintzen ditugu erosteko ahalmena galduz eta gure bizi eta lan baldintzak okertuz”.

Gaur, 25 bat lagunek babestu dute pentsioen aldeko protesta. Aldarrikapenak egiteaz batera, datuak ere eman dituzte, adibidez: 

  • Esaten da pentsioak oso altuak direla haien %52 1.000 eurora iristen ez denean.
  • Emakume pentsiodunek, batez beste, gizonek baino %30 gutxiago jasotzen dute.
  • Euskal Herriko Bizikleta-Martxan, 70.000 pertsonak baino gehiagok sinatu dute eskatzeko pentsioak benetako KPIaren arabera igotzea eta 1.080 euroko Gutxieneko Pentsioa.
  • Frogatuta geratu da pentsioen defizita pentsioen sistema publikoak ordaindutako gastu desegokiak baino ez direla. 

Eta azpimarratu dute mobilizazioak egiten segituko dutela; astelehenero, noski eta baita ere, urriaren 15ean Madrilgo Kongresuaren aurrean, honako aldarrikapenak haizatzeko: 

  • Pentsioak eta soldatak urteko KPI metatuarekin handitzea. 
  • Pentsioak eta gutxieneko soldatak Europako Gutun Sozialaren eskakizunekin bat etortzea.
  • Soldatetan eta pentsioetan genero-arrakala desagerraraztea,
  • Pentsioen eta soldaten murrizketen erreformak indargabetzea
  • Pentsioak eta zerbitzu publiko duinak bermatzea.