Eskola kirolean izena emateko aukera zabalik

Iazko eskola kirolaren azken jaia.

Gaurtik, irailaren 8a, zabalik da Soraluzeko Eskola Kirolean izena emateko epea, irailaren 23ra arte. LHko 1. mailatik hasi eta LHko 6. mailara arteko ikasleendako eskaintza zabala dauka: hockeya, eskubaloia, eskalada, errugbia… eta txikienendako jolasetan oinarritutako jarduerak. Astegunetako jardunaldiez gainera, urteko hainbat zapatutan ere eskaintzen dituzte topaketak.

Izena eman nahi duenak HEMEN klikatuta egin dezake, bertan azaltzen den formularioa beteta. 

Kuotari dagokionez, urte guztikoa 85 euro da. Dena den, beherapenak ere badaude; adibidez, guraso elkarteko bazkideek %10eko beherapena izango dute eta Udalak dirulaguntzak ematen ditu. Adibidez, bi anaia-arrebak izena ematen badute, %25ko deskontua izango dute kuotan. Irailaren 30era arte eska daitezke Udalaren dirulaguntzak.