Ikasturte hasierako bileran ohi duenez, Sorako futbol eskolako ordezkariek 2022-2023 denboraldiko egutegiaren, kuoten, entrenatzaile berrien eta oro har, informazio orokorraren berri emango diete gurasoei martitzeneko batzarrean. Arropa banaketa ere egin nahi dute egun berean.
Botak berrerabili
Halaber, esan dute aurten ere futboleko botak berrerabiltzeko egitasmoa gauzatu nahi dutela futbol eskolan. “Iaz abiarazi genuen soberan dauden botak eta txiki dituztenak ekarri eta behar dituztenei emateko proiektua. Gutxi ekarri ziren, baina funtzionatu zuen, beraz, aurten ere egingo dugu hori”. Hori horrela, dei egin diete gurasoei aurten erabili behar ez dituzten botak futbol eskolara eraman ditzaten.