Jaiak 2022

Bakailao lehiaketarako izen-ematea beteta

2020ko bakailao lehiaketa.

Joan den asteko astelehenetik beteta dago aurtengo bakailao lehiaketarako izen-ematea. Berritasunekin dator lehiaketa, gainera. Batetik, sekula baino emakume gehiagok parte hartuko du aurten, bost emakumek eman baitute izena. Bestetik, "betiko" bikoteak izango dira, baina berriak ere bai, gazteren bat barne. Uztailaren 26an da lehiaketa, 11:30ean.

Lehiaketari dagokionez, bakailaoa pil-pil erara kozinatu beharko dute. Bakailaoa, olioa eta berakatza baino ezin izango dira erabili.

Epaimahaiaren erabakia aldaezina izango da. Ondorengoak baloratuko dira: Aurkezpena (0-5), egoste-puntua (0-10) eta zaporea (0-10).

Bakailao ontziak aurkezteko ordena zozketa bidez erabakiko da eta bost minututik bost minutura aurkeztu beharko dira.