Jende gutxi, baina salmenta nahiko ona

Zapatuan, artisau azoka izan zen Plaza Zaharrean. Berez, azoka baserritarrekin batera ipintzekoak ziren artisauak, baina euria zela-eta, baserritarrak Kontzejupean izan ziren. Hain justu, eguraldi petralak berak ez zuen larregi lagundu plazako azoka-giroan. Artisauek esandakoaren arabera, jende gutxi ibili zen, amaiera aldera zertxobait gehiago. Dena den, salmenta aldetik, mugimendu apurtxo bat egon zela adierazi dute eta horrekin “pozik” daudela.