Bihar, domeka, 11:30ean hasiko da LXXIII. Debarroko Pilota Txapelketako jaialdia, Aretxabaletan. Kadete, jubenil zein nagusi mailan, txapelketako finalak jokatuko dituzte Iturrigorri frontoian eta hiru partiduotatik bitan Soraluzeko Pilota Elkarteko pilotariak izango dira.
Kadeteak izango dira domekako finala jokatzen lehenak. Ibarrak eta Caramanzanak Bergarako Ormaetxea eta Alberdiren kontra jokatuko dute. Gazteen mailan, berriz, Oñatiko Aloña-Mendiko taldeko Etxegarai eta Regueiro UDA Aretxabaleta taldeko Lazpiurren eta Barandiaranen aurka lehiatuko dira.
Azkenik, nagusien mailan, Soraluzeko taldeko Aitor Atxotegik eta Manex Balerdik Bergarako Etxezarretaren eta Oterminen kontra jokatuko dute.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.