Martitzenean, 16:30ean bukatu zen institutuko bozketa, atzo kontseiluari jakinarazi zioten emaitza eta gaur, berriz, familiei.
Emaitzek erakusten duten moduan, familien parte-hartzea oso altua izan da, %78,87koa eta bozketa bitartez Hedatze proiektuari erakutsitako babesa oso argia, %97koa.
Bada familiei dagokien tramitea bukatuta, aurrera segitzen du Hedatze proiektuarekin lotutako prozesuak.
Eskerrak
Soraluze BHI Institututik azpimarratu dute garrantzitsua zela familiek bozketan parte-hartzea eta emaitza ikusita eskerrak helarazi nahi dizkiete bai familiei parte hartzeagatik eta baita ere guraso kontseilukideei bozketa prozesuan emandako laguntzarengatik eta inplikazioarengatik.