'Ukatx' berba erabili izan da zerbaitek edo norbaitek nekearen nekez pott egin edo lurra jo duela adierazteko. Adibidez, honela:
- Plazentziako berbetan: "Hainbeste denboran jan barik, neskia ukatx eginda jaonan".
- Euskara batuan: "Horrenbeste denboran jan barik, neska pott eginda zegonan".
Txorromorro jolasean ere erabiltzen zen 'ukatx egin' esamoldea: "Beste taktika bat ukatx bilatzea zen. Partaide libre handienak paga ahulenaren gainean jauzi egiten saiatzen ziren, ahal zen indar gehienarekin, pisuarekin honek ukatx egiteko".
Iturria: Soraluzeko berbak Sorapedia.eus eta Luis Mari Unamuno Ahotsak.eus.
Iturri osagarriak: Ez da ageri ez Euskaltzaindiaren Orotariko Hiztegian, ez Euskara Batuaren Hiztegian, ez eta Bergara aldeko hiztegian eta Eibarko Euskara hiztegian ere.