'Kukumixo' berba erabili izan da makurtuta edo kokoriko postura izendatzeko Plazentziako berbetan. Adibidez, honela:
- Plazentziako berbetan: "Pastoriak orduetan egoten dia kukumixo".
- Euskara batuan: "Artzaiak orduetan egoten dira kukulumuxu".
Iturria: Luis Mari Unamunori entzuna.
Iturri osagarriak: Forma eta esanahi berarekin ageri da Bergara aldeko hiztegian eta Euskaltzaindiaren Orotariko Hiztegian. 'Kukulumixo' formarekin Eibar aldeko hiztegian eta 'kukulumuxu' formarekin Euskara Batuaren Hiztegian.
Orotariko hiztegian, 'kukumixo' berbaren ondorengo aldaerak ageri dira: kukulumuxu (V-arr-oroz-m), kukulumutxu (V-m-gip), kukurumixo (V-m-gip; Añ (V)), kukurumitxu (V-ger), kukurumux (G-azp), kukurimixo (Añ (V)), kukulumixo (V-m-gip), kukulumutxio (V-m), kukumaixo (V-gip), kukumukuxo (V-gip), kukumixo (V-gip). Ref.: A (kukulumixo, kukurumixo); Iz To 187, UrrAnz (kukumukuxo); Etxba Eib (kukulumixo); Etxabu Ond 114; Elexp Berg (kukulumixo, kukumixo).
: