Gaur, barikua, Soraluzeko Pilota Taldeko Ekhi Amuategik kadete mailako lau t’erdiko hirugarren mailan, eskuz banakakoa jokatuko du, 19:15ean Beasaingo Landaren kontra Araneko frontoian. Gaur, baita ere, baina Alegian, Errendimendu mailako Gorka Felixek eta Ander Losadak ligaxka dute 18:15ean; lehen postuak dituzte jokoan.
Gallastegi finalean, bihar
Bihar, berriz, baina Zarautzen, 19:30, gomazko paletako banakako finala jokatuko du, nagusien bigarren mailan Jon Gallastegi soraluzetarrak Orioko Aritz Lertxundiren kontrak, Zarauzko Aritzbatalde frontoian.
Bihar, baita ere, 12:00etan, Azpeitian Mikel Caramanzanak jokatuko du kadete lehen mailan, Azpeitiko Otaegin kontra. Eta azkenik, domekan 17:00etan Hernanin Ibon Ibarrak jokatuko du Hernaniko Azpeitia pilotariaren kontra, lau t’erdiko lehen mailako partida.