Ehunka plazentziatarrek parte hartu zuten Korrikan

Korrika ez da bakarrik lasterketa pasatzen denean bertan antxintxika egitea. Korrika bada ere egunak pasatzea pankartak eta petoak egiten hura datorrenerako; Korrika etorri bitartean zain eta zain egotea; eta, zelan ez, Korrika pasatu bitartean, ahalik eta indartsuen goratzea. Atzo, hori guztia egin zuten ehunka soraluzetarrek, umeek, helduek zein nagusiek, zein baino zein urduriago eta irribarrea ahotan zutela. Korrikan zuzenean parte hartzeaz aparte, erdiguneko kaleak eta plazak beteta izan ziren, Korrikari agur bero-beroa eginez.