Damarisek gaztelera menderatzen du eta ingelesa oinarrizko mailan. Euskaraz ere ikasi nahi luke eta horregatik eman du izena otsailean etorri berrientzako Aisa ikastaroan. “Oso gustura ari naiz ikastaroan eta gustatuko litzaidake heltzea euskara ulertzera eta oinarrizko elkarrizketak izateko besteko gaitasuna eskuratzera, bikotearen familiarekin euskaraz berba egin ahal izateko, lanerako eta gainerako harreman sozialetan erabiltzeko”. Lau urteko semeak ere izan du eragina euskarara hurreratzeko erabakian. “Semea hemen jaio da, hemengo eskolara doa eta logikoa den moduan hemengo hizkuntza berba egiten du eskolako lagunekin, izebarekin etxean. Nik ipuinak irakurtzen dizkiot euskaraz, nahiz eta ez ulertu. Hizkuntza polita da. Gustatzen zait euskarak duen soinua entzutea”.
Euskal kulturari dagokionez, bertsolariak ditu gustuko: “Gaztañerreko bazkarian ezagutu nituen eta txundituta gelditu nintzen”. Eguzkiloreak ere gustatzen zaizkio, “duten esanahi sinbolikoarengatik”.