Soraluze txapeldunorde

Soraluze Pilota Taldeko Ibon Ibarrak eta Mikel Caramanzanak, gutxigatik, baina galdu egin zuten Udaberri Txapelketako kadete mailako finala, zapatuan. 22-20 irabazi zieten Azkoitiko Joritz Azkoitiak eta Denis Galartzak, Azkoitin jokatu zuten binakakoan. Bestalde, paletan, Jon Gallastegi soraluzetarrak finalerdirako txartela eskuratu du, banakako bigarren mailako txapelketan. 

Soraluzeko taldeko gazteak urduri eta markagailuan atzetik zihoazela hasi zuten Udaberri Txapelketako finala, gainera, Mikel Caramanzana atzelaria eskuan min hartuta zebilen. 

Aitor Atxotegi entrenatzaileak kontatutakoaren arabera, hala ere, partidaren erdi aldera, parekatu egin ziren indarrak eta Soraluzeko ordezkariak 14-19 irabazten ere joan ziren. Baina, sakea berreskuratu zutenean, Azkoitiko atzelaria aurrera pasatu zen, eta, “aurrean aberia handia egin zuen, sakeraekin”, esplikatu du Atxotegik. Hala, 22-20 amaitu zen finala. 

Gallastegi finalerdira

Bestalde, Soraluze Pilota Taldeko Jon Gallastegi finalerdira ailegatu da banakako bigarren mailako txapelketan. Atxotegik esan duenez, Soraluzen jokatuko da finalerdia, baina oraindik data zehazteko dago. 

Argazkiak: Soraluze Pilota Taldea.