Dagoeneko jakinarazi du AEK-k Korrikak Soraluzen egingo duen ibilbidea eta lekukoa eroango duten 24 taldeen zerrenda:
| KM | NONDIK NORA | TALDEA |
| 224 | Maltzaga | Futbol Taldea |
| 224 | Gerdau lantegiaren bigarren zubia | Udala |
| 225 | Ansolako zubia | Marras Irrristaketa Taldea |
| 225 | Autopista azpia | Gure Esku |
| 226 | Industrias Placencia | EAJ |
| 226 | Mendiolako zubia | EH Bildu |
| 226 | Mendiolako zubia | Harrera / Arrano |
| 227 | Ibarra lantegia | Mendi Taldea |
| 227 | Elesa Ganter amaiera | Urrats Dantza Taldea |
| 227 | Ezozibideko garajeak | AEK |
| 227 | Ezozibideko biribilgunea | Abesbatza-Musika Eskola |
| 227 | Gabolatseko zubia | Errugby-Pelota Taldea |
| 227 | Banco Sabadell | Itxaropena |
| 228 | Udaletxea | Pil-pilean / Emakumeen Ahalduntze Taldea |
| 228 | Benito Anaiak altzaridenda | Atxolin |
| 228 | Olako zubia | Keixeta |
| 228 | Industrias Doje | Institutua |
| 228 | Bariante azpiko tunela | Bizikale |
| 229 | Sologoeneko elektrika | Sortu |
| 229 | Biribilgunea | LAB |
| Osintxurako bidegurutzea |
Taldeek eguaztenean (09:30-11:00, 14:30-21:00) eta eguenean (09:30-11:00, 14:30-16:00) jaso ahalko dituzte petoak euskaltegian bertan.
Kilometroak salduta
Ekarpen ekonomikoari dagokionez, kilometroen salmentaren bitartez, 3.600 euro jaso dira eta horri gehitu behar zaio KorrikaLagun kanpainaren bitartez herriko komertzio, lantegi eta norbanakoek egingo dituzten diru-ekarpenak. Jasotako diruak AEKra eta bere euskaltegietara bideratuko dira helduak alfabetatzen eta euskalduntzen jarrai dezan Euskal Herri osoan.
AEKko ordezkariak "oso gustura" agertu dira plazentziatarrak Korrikari ematen diharduten babesarekin. "Eskertzekoa da Soraluzeko taldeak eta entitateak Korrikari ematen diharduten babesa, Korrika Kulturalean ekitaldiak antolatuz, Kilometroak erosiz, atxikimendu argazkiak ateraz... Herri txikia baina ganora handikoa da Soraluze. AEKren izenean, eskerrik asko guztioi".