'Lokamutsa' berba erabili izan da loaldi labur eta arina izendatzeko Plazentziako berbetan. Adibidez, honela:
- Plazentziako berbetan: "Autobusian lokamutsa egin jonat eta indarberrituta najaon".
- Euskara batuan: "Autobusean lokuluxka egin dinat eta indarberrituta natxion".
Iturria: Jose Luis Unamunori entzuna. .
Iturri osagarriak: Esanahi berarekin baina 'lokamuxa' formarekin jasotzen du Bergara aldeko hiztegiak, 'lokamusa' formarekin Eibar aldeko hiztegiak eta 'lo-kamuts" formarekin Euskaltzaindiaren Orotariko Hiztegiak. Euskara Batuaren Hiztegiak 'lokamuts' forma jasotzen du baina kasu honetan esanahia "amesgaiztoa" edo loaldi txarra da.