Inna Likartsuk da bera. Txernobilgo umea. 10 urterekin etorri zen lehen aldiz Soraluzera, Mertxe Galarragaren familiaren etxera eta 18 urte izan arte jarraitu zuen etortzen. Harrezkero, bi familiek eutsi egin diote elkarren arteko harremanari.
Gaur egun, 31 urte ditu Likartsuk. Errusiaren erasoen berri izan eta berehala idatzi diote mezua Soraluzetik eta ondorengoa izan da bueltan jaso duten erantzuna: “Kaixo. Gerra bat dugu. Etxean eserita nago eta tiroak entzun ditzaket. Beldur naiz. Eskatu dezakedan bakarra da zerbait gertatzen bazaigu eta umeak bakarrik geratzen badira, (Jaungoikoak ez dezala halakorik nahi) lagundu diezaiezuela”.
"Bihotza apurtuta daukat"
Likartsukek umeen argazkia eta haien jaiotze-agiria ere helarazi dizkie Galarragari, eurei zerbait gertatuz gero, soraluzetarrak umeen kargu egin daitezen. “Bihotza apurtuta daukat”, esan du Galarragak.
Inna Likartsuk (aurreko ilaran, lehena, betaurrekoekin eta gorriz jantzita) Txernobilgo beste bederatzi umerekin etortzen zen Soraluzera, Txernobilgo zentral nuklearraren eztandak eragindako osasun ondorioak arintzeko helburuz.
2004an, Pil-pilean aldizkariak erreportajea idatzi zuen idatzi zuen gaiari buruz. Ikusi alea HEMEN KLIKATUTA.