Gaur, barikua, 19:00etan Caramanzanak eta Ibarrak Azkoitiko bikotearen kontra jokatuko du, Udaberri txapelketa barruan. Horren ondoren, Udaberri txapelketako paleta partida izango da, kasu horretan, Santamariak eta Rasconek jokatuko dute Zarauzko bikotearen kontra.
Zapatuan, berriz, Euskal Ligaren baitan, 12:30ean Muruak eta Borinagak Amurrioko bikotearen kontra jokatuko dute nagusi mailan. Eta bihar arratsaldean, eskolarteko bigarren fasea hasiko da, alebin mailan. Eskualdeko taldeen arteko hiru partida izango dira, 16:00etatik aurrera.
Bukatzeko, domeka goizean Eki Amuategi soraluzetarrak Bergaran jokatuko du lau t’erdikoan Bergako Urko Lozanoren kontra, lagunarteko partida. Eta domekan, baita ere, baina Iruran, Aitor Atxotegik eta Aitor Mendizabalek trinketeko partida jokatuko dute Hernaniko bikotearen kontra, Gipuzkoako txapelketaren baitan.