Biharko lehen partida 10:30ean jokatuko dute, Gazteizko Sumendi taldearen aurka, eta, bigarrena,13:30ean, Aguraingo Muskerrak taldearen kontra.
Marras taldeko entrenatzaile Iraitz Ibarzabalek esplikatu duenez, gaur gaurkoz, Soraluzeko taldea Euskadiko Txapelketako sailkapen orokorrean, erdiko aldetik behera dago, baina gainerako taldeek baino bi partida gutxiago ditu. Gainera, orain arte jokatutako partidak ligako talderik zailenetakoen kontra jokatu dituzte.
Beraz, "biharko neurketetan emaitza txukunak ateraz gero, aurrerapausu handia egingo dute ligako postuetan! Irrist ta irrist, irristaka Aupa Marras!!", dio entrenatzaileak.
Infantil taldea
Marraseko infantil taldeari dagokienez, berriz, asteburu honetan atseden izango dute eta otsailean bueltatuko dira lehiaketara.