Igoera fasea jokatuko dutenen artean, Sorako kadete mailakoek dute lehen hitzordua. Arrasateko Mojategin jokatuko dute, zapatuan, 11:45ean.
Sorako gazte mailako taldeak, berriz, Ezoziko futbol zelaian dauka partida; Lazkao Kirol Elkartea izango du aurrez aurre, domekan, 17:30ean.
Gorengo maila
Sorako gainerako taldeei dagokienez, berriz, gorengo mailako taldea ere bueltatuko da liga txapelketara asteburuan. Lehen partidan, sailkapenean gertu-gertuan duen Azpeitiko Ikasberri izango du arerio, zapatuan, 17:30ean, Azpeitiko Garmendipen.
Azkenik, Sorako infantilek ere badute partida zapatuan. Gainera, zelairatzen goiztiarrenak izango dira, 09:30ean jokatuko baitute Elgoibarren, hango taldearen kontra.