Atxolinen amaitu da Mendi Astea

Atxolinera egindako mendi iteerarekin amaitu zen atzo goizean Mendi Astea. "Gaur talde txikia batu da baina giro ederrean egin dugu bidea", adierazi dute antolakuntzatik. Orokorrean antolatzaileak "gustura" agertu dira astean zehar herritarren partetik jaso duten erantzunarekin: "Gehiago edo gutxiago, ekitaldi guztietara batu da jendea. Emanaldirik arrakastatsuena Silvia Vidalena izan da; kataluniarrak herriko eta kanpoko mendizale asko batu zituen eta horixe zen bilatzen genuena".