Gaur, 19:00etan inauguratuko dute Izpi Yoga Zentro berria, Estaziño 13ko behean. Amaia Amor soraluzetarrak gidatuko du.
Amor martxoan hasi zen yoga integrala eskaintzen kiroldegian. Bi urte eman ditu formazio hori lantzen, Bilbon. Amorrek berak esplikatutako moduan, yoga integralak hainbat yoga mota uztartzen ditu, “hobeak diren yoga motak”. Interesa duen edozeinendako da aproposa, “yoga pertsonari egokitzen” zaiolako.
Ate irekiak
Gaurko inaugurazioaren ondoren, datorren astelehenean eta martitzenean, ate irekiak izango ditu yoga zentro berrian, interesa duten herritarrak bertaratu eta diziplina hori probatzeko aukera izan dezaten.