Janis Joplinen bizitzari buruzko filma antzokian

Bihar, eguena, Janis: Little Girl Blue filma proiektatuko dute antzokian Blues Hotsak jaialdiaren egitarauaren barruan. Emanaldia 21:00etan hasiko da eta sarrera debalde izango da. 

"Amy Bergek amaiera jartzen dio ziurgabetasunari abeslari ikonikoari buruzko lan oso batekin. Janis: Little Girl Blue lana etengabeko ikerketa triangelu batean sostengatzen da, bai eta zuzeneko artxiboan eta dokumentu intimoetan ere, familiako istorio berezi bat erakusteko: izatez neska handinahitsuaren eta bihurriaren istorioa, bere sorterritik ihes egiten duenarena, zortea bilatzeko.

Dokumentala zorrotza da elkarrizketatuekin (horietako batzuk lehen aldiz ikusi dira hemen): artistaren anaia txikiak, maitale ugari, eta, zalantzarik gabe, Big Brother & The Holding Company taldeko kideak. Hain zuzen, talde horrek hartu zuen haren bluesa. Janis lanak musika asko du, baina musika hori abestu zuen emakumea nabarmentzen du, maitasunez, sakontasunez eta leuntasunik gabe.

Ohorezko ordain bat da, eta behin betikoa izango delako itxura du", dio antolatzaileek bidali duten sinopsiak.