Atzo, parke berriaren obra inguratzen zuen hesia kendu eta gutxira estreinatu zuten hainbatek herriko lehen kalistenia parkea. Guztira, 90,23 metro koadro hartu ditu Txurrukenen egokituko duten kirol esparru berriak.
Berde eta hori koloredun kautxuzko zorua du eta ariketa fisikoa egiteko, berriz, honako elementuak: horma-barrak, barra bertikala, uztaiak, eskalatzekoa, sigi-saga egitekoa, brakiatzailea, dantza-barra, kristo eta dominatuak, bi barra finko, moxal bikoitza eta abdominalak egiteko bankua.
17.406 euroko aurrekontuarekin, Agapito Urban Industries S.L. enpresak egin ditu lanak.