Zapatuko lehen partida 09:30ean izango da. Sorako infantilek Elgoibarko taldearen kontrako norgehiagoka jokatuko dute. Lider doa Sorako infantil taldea eta azken-aurrekoa da, berriz, Elgoibarko taldea.
Ondoren, jubenilen txanda izango da. Haiek 11:30ean dute hitzordua, Urola kirol elkarteko taldearen kontra. Jubenilen kasuan, baikor zelairatzeko moduan daude, 0-7 irabazi baitzioten aurreko partida Aretxabaletari. Gainera, Sorako jubenilak ere sailkapeneko lehen postuan daude.
Gorengo maila eta kadeteak
Arratsaldeko hitzorduei dagokienez, berriz, gorengo mailako taldeak 15:30ean jokatuko du, Antzuolako taldearen kontra. Ligako sailkapen orokorrean 7. postuan dago Sora 7 punturekin eta azken partida galtzetik dator, 4-1 Arrasateko taldearen kontra. Antzuola, berriz, azkeneko doa ligan.
Azkenik, kadeteek jokatuko dute zapatuko azken partida, kasu honetan, Ikasberriren kontra, 17:45ean. Aurreko jardunaldiko partida 2-9 irabazi zuten Sorakoek Aretxabaletaren kontra. Ligako sailkapenean laugarren doa etxeko taldea eta azken postuan, berriz, Ikasberri.