Kirrinpot berba zerbaitetan huts egin eta porrot egin dela adierazteko erabili izan da Plazentziako hizkeran. Adibidez, honela:
- Plazentziako berbetan: "Jasotzen hasi eta kirrinpot egin jok".
- Euskara batuan: "Jasotzen hasi eta pot egin dik".
Horrez gain, intxaur jokoan tiratzaileak azertatu eta partida amaitu dela adierazteko ere esan izan da kirrin pot.
Iturriak: Ramiro Larrañagaren berba zerrenda eta Soraluze Gogoan orrialdeko Juego de nueces kontakizuna.
Iturri osagarriak: Euskaltzaindiaren Orotariko Hiztegiak eta Euskara Batuaren Hiztegiak ez dute kirrinpot forma jasotzen, bai, ostera, pot forma.