Bihar, 18:00etan izango da lehen partida, Ibarrak eta Caramanzanak jokatuko dute Tolosako bikotearen kontra.
Haien ondoren, Aitor Mendiazabalek eta Ibai Bolinagak jokatuko dute nagusien mailan, Lazkaoko bikotearen kontra. Eta jaialdia bukatzeko, gomazko paletakoen txanda izango da; Santamariak eta Fernandezek Hernaniko bikotearen kontra izango dute norgehiagoka.
Asteburuko jarduna bukatzeko, zapatu goizean Rasconek eta Gallastegik palako partida jokatuko dute, Errenterian.
Aurreko asteburuko emaitzak
Emaitzei dagokienez, berriz, aurreko asteburuan, Balerdik eta Atxotegik galdu egin zuten Amezketan jokatu zuten partida, Altunaren eta Ugartemendiaren kontra, 22-11. Paletako partida, berriz, soraluzetarrek irabazi zuten, Azkoitin, Atxotegik eta Gallastegik, 25-9.
Azkenik, kadeteek ere, Ibarrak eta Caramanzanak irabazi egin zuten 22-5, Lasarteko bikotearen kontra.