‘Ikasi euskara bidelagun onenarekin’, dio AEK-ren matrikulazio kanpainako aurtengo aukeratu leloak, eta mezua herriz herri zabaltzen laguntzeko sidekar berezi bat atera dute kalera. Sidekarra joan zen martitzenean heldu zen Soraluzera eta joan-etorri batzuk eman zituen Kalebarrenen zehar, euskaltegiko ikasleak gainean zituela, herritar askok harriduraz begiratzen zieten bitartean.
Izan ere, euskaltegian matrikulatzeko epea zabalik dago irailaren 30era arte (eguena). Eskaintza zabala da; A1 edo oinarri oinarrizko mailatik hasi eta C2 edo aditu mailara artekoa (online). Eskaintza osoa ikusteko, klikatu HEMEN.
Gaur egun, euskaraz ikasteko lehen pausoak ematera doazen herritarrekin batera, asko dira euren ahozko edo idatzizko gaitasuna hobetzea erabakitzen dutenak, dela lanerako, dela eguneroko bizimoduan erabiltzeko. Udazkenean bideari ekingo diozuen guztioi, bidaia on!
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!