Plazentziatarron berbak

Zein da 'erregular' berbaren esanahia?

Aste honetako berba 'erregular' da. Ba al dakizu zein den bere esanahia?

Erregular berba "jakina!" edo "bai, noski!" adierazteko erabili izan da eta erabiltzen da oraindik ere Plazentziako hizkeran. Adibidez, honela:

  • Plazentziako berbetan: "Zeu be bazatoz orduan?" "Erregular!".
  • Euskara batuan: "Zu ere bazatoz orduan?" "Bai, noski!". 

Iturria: Plazentziako berbak eta esamoldeak Antxon eta Edu Oregi (1995).   

Oharra: Euskaltzaindiaren Orotariko Hiztegiak ere jasotzen du forma eta esanahi berberakin, eta antzeko beste esanahiren batekin ere bai.  Euskara Batuaren Hiztegian, berriz, 'erregular' berba jasota dator baina adjetibo forman: poligono erregularra, bertsolari erregularra, aditz erregularra...