Segurtasun Sailak emandako xehetasunen arabera, autoaren eta kamioiaren arteko txokearen ondorioz, Opel Mokka autoko hiru bidaiarietako bi barruan harrapatuta geratu dira eta suhiltzaileek atera behar izan dituzte. Horrez gainera, kamioiak zeramatzan lasto-fardoetako batzuek su hartu dute eta suhiltzaileek emendatu dute sutea.
Istripuaren ondorioz, eten egin dute AP-1eko zirkulazioa Eibarko noranzkoan. Larrialdi zerbitzuek esku-hartzea bukatu ondoren, garbiketa-lanak egin dituzte. 15:00etan zabaldu dute autobidea guztiz.
