Enara Parra kolaboratzaile Euskadi Irratian

Enara Parra kozinatzen. Argazkia: rootsandcook.com.

Uda honetan, Enara Parra plazentziatarrak Euskadi Irratiko Baipasa saioko "sukaldari partikular" moduan dihardu eta martitzenero (18:20) errezeta bat aurkezten du saio horretan. 

Uztailean hasita asteotan irratian aurkeztu dituen errezetak EITBren webgunean daude entzungai: Tomate eta burrata gazta entsaladaIzokin tartare pikantea izokin kurruskariarekin, Andaluzia zati txiki bat, Postre frantsez bat: Clafoutis, Babarrun zuri entsalada mediterranear erara, Makarroiak siziliar erara... Aurreikusitakoaren arabera, datorren martitzenekoa izango da azken kolaborazioa. 

Enara Herbeeretan bizi da eta duela urtebete inguru 'Roots and Cook' sukalde ataria sortu zuen. Pil-pileanek iazko azaroan elkarrizketatu zuen Enara Parra. Elkarrizketa irakurgai dago aldizkarian eta Plaentxia.eus-en