AHTrik Ez! Plataformak antolatu du egunotako ekimena. Euskal Herriko lurraldeetatik abiatutako martxak Atxondon elkartu eta kanpaldia egingo dute domekara arte. Gaur, 18:30ean egingo diote ongi-etorria bizikleta martxari.
Zapatuan, manifestazioa
Horrez aparte, denetariko ekitaldiak izango dira Atxondon; besteak beste, gaur, 16:00etan, AHTren kontrako mugimenduaren historia eta erronka berriak partekatuko dituzte, hitzaldian. Bihar goizean, berriz, Aroztegia makro-proiektua ere izango dute hizpide. Arratsaldean,18:30eko manifestazioaren ondoren, ekitaldia eta MICEren kontzertua izango da.
Eta beste ekitaldiren bat aipatzearren, domeka goizean basoak ezagutzeko ibilbidea egingo dute eta 10:00etan Gazte problematika ulertzeko zenbait gako izeneko hitzaldia eta Dinamika Arrazistak Gizarte Mugimenduetan izenburuko tailerra.
Egitarau osoa ikusteko HEMEN klikatu.