Zapatuan, 10:00etan hasiko da futbolarien topaketa, Bergarako Agorrosin kirol gunean. Antolatzaileek jakinarazi dutenez, Realeko teknikariekin entrenamendu saioa egiteaz aparte, atezainen erakustaldia egingo dute eta baita zozketak ere. Ondoren, Bergararen eta Real Sociedad C-ren arteko partidua ikusteko aukera izango dute.
Izena emateko, honako emailera idaztearekin nahikoa da: kanpusbke@gmail.com. Edozein modutan, ez da baldintzarik bete behar parte hartzeko, bakarrik 2007tik eta 2014ra bitartean jaiotakoa izatea. Izen-ematea taldeak antolatzeko besterik ez da.