Udalak jakinarazi duenez, Getxoko La Kantera Skate Eskolak egingo du skate gunea. Enpresa horrk, skate eskola izateaz gain, skateparkeak diseinatu, eraiki eta eraberritzeko zerbitzu profesionala eskaintzen du.
Soraluzeko Skatepark-a zementuzkoa izango da eta honako elementu hauek izango ditu
- Bi quarter (skatepark-aren alde banatan), 6 metro luze eta 80 zentimetro garai.
- Erdian, 80 zentimetroko diametroa eta 35 zentimetroko altuera duen duna bat.
- 3 metroko luze, 75 zentimetro zabal eta 35 zentimetro altu den tiradera.
Inbertsioa 29.500 eurokoa izango da (gehi BEZa) eta obra egiteko hilabeteko epea izango da, gutxi gorabehera.
Bestalde, hainbat kale-argi jarriko dira, espaziorako argiztapen egokia emateko. Electricidad Laibi S.L. enpresak ipiniko ditu, 3.660 euroko aurrekontuarekin (BEZa aparte).
Gazteen eskaria
Patricia Borinaga Udal Haur eta Gazte Saileko arduradunak azaldu duenez, "jarduera horrekin udalerriko hainbat gaztek 2019an egindako eskaera bati erantzuten zaio. Eskaera hori ezin izan zen gauzatu 2020an, koronabirusaren ondoriozko krisi ekonomikoak udal-kutxetan izan zuen inpaktuagatik. Hezkuntza, Haur eta Gazteria Batzordeak bultzatutako Partaidetza Prozesuaren esparruan egin da berriro eskaera. Prozesu hori herriko nerabeekin egin da, haien aisialdi-ohiturak ezagutzeko eta udalerriko eskaintzan egin daitezkeen hobekuntzak baloratzeko. Etorkizunean, ekonomikoki bideragarria denean eta lor daitezkeen diru-laguntzen arabera, skatea eta padel pista batera estaltzea da asmoa".
Errepidea itxita
Obren eraginez, astelehenean, errepidea itxi egingo dute, Baltegieta itxi egingo dute 09:00etatik 11:00etara, zamalanak egiteko.