Herrian 48 entitatek osatu dituzte Ariguneak eta 256 herritar izan dira horietako kide; 45 herritarrek jardun dute boluntario lanetan, dela mahaian txandak eginez, murala pintatuz, bideoa grabatuz edo bestelako ekimenen antolaketan; herritar askok erosi dituzte Euskaraldiko materialak; eta, garrantzitsuena, guztira, 505 herritarrek eman dute izena Belarriprest eta Ahobizi moduan hamabost egunez ariketa egiteko.
Oztopoak oztopo, Soraluzen ere hizkuntza ohiturak aldatzeko ariketa egin ahal izan da, herritar askoren parte hartzeari esker.