Gipuzkoako Futbol Federazioko presidente izateko bi hautagaien proposamenak

Azaroaren 23an, Gipuzkoako Futbol Federazioko hauteskundeak egingo dituzte. Bi debagoiendarrek aurkeztu dituzte presidente izateko hautagaitzak. Adrian Merino da bata, Aretxabaletako UDAko presidente ohia, Gipuzkoa: denon joko zelaia plataformaren izenean aurkeztu du proposamena. Bestea da Manu Diaz, Bergara Kirol Elkarteko zuzendari ohia, Garai berriak plataformaren izenean aurkeztu du proposamena. Hauteskundeei begira, giroa nahiko gaiztotuta dago, nahikoa lokaztuta. Bi hautagaiak elkarrizketatu dituzte Goiena Komunikazio Taldearen Harmailatik saioan. Albiste barruan daude elkarrizketa biak entzungai.